Şabalıdların qabıqlarını təmizləyirik təmizlənmiş şabalıdları tavada duz, yağ əlavə edərək qovururuq.

Uzuzn-uzun doğranmış soğanı tavaya töküb, duz, yağ əlavə edib qızılı rəng alanacan qızardırıq.

Qızardıqdan sonra yarım çay qaşığı sarıkök əlavə edib qarışdırırıq.

Əvvəlcədən suda soyutma edilmiş əti tavada yağla qızardırıq. Qızarmış ətin üzərinə limon duzu, istiot səpib qarışdırırıq.

Qovrulmuş soğan ilə əti qarışdırın. Daha sonra kişmiş, qaysı və meyvə qurusu əlavə edib qovururuq.

Onlar qovrularkən biz qazmağı hazırlamağa başlayırıq. Xama, yumurta və duzu bir qabda yaxşıca qarışdırırıq. Daha sonra başqa tavaya yağ əlavə edib, unu biraz qovururuq və qovrulan unu hazırladığımız qarışımın üzərinə əlavə edirik və yaxşıca qarışdırırıq.

Kənarda yumuşaq xəmir yoğururuq və biri böyük diğəri kiçik olmaqla iki hissəyə bölürük.

Böyük kündəni yuxadan qalın olmaq şərtiylə yayırıq.

Sobaya yerləşəcək qazanın içini yağlayırıq və yaydığımız böyük yuxanı qazanın içini örtəcək formada yerləşdiririk.

Plovu hazırlamaq üçün başqa qazanda duzlu su hazırlayırıq (5 litrlik qazana 2 xörək qaşığı duz). Qaynayan suya əvvəlcədən yuyulmuş düyüləri əlavə edib alaçiy olanacan bişiririk. Düyüləri mütəmadi olaraq qarışdırın ki, bir-birinə yapışmasın.

Düzü alaçiy (tam bişməmiş) vəziyyətə gəldikdə onu süzürük və üzərinə öncədən dəmlədiyimiz zəfəranı və şabalıdı əlavə edirik.

Yenə düyü əlavə edib üstünə əti və meyvə qurularını (turşuları) bir qat olaraq düzürük.

Yenə düyü, qovrulmuş kişmiş, qaysını əlavə edirik. Bütün hazırladığımız ərzaqlar bitənəcən bu üsulla davam edirik. Qazan dolduqdan sonra balaca kündəni yuxa kimi yayıb plovun üzərini örtüb, kənarlarını qazanın içərisinə yerləşdirdiyimiz böyük yuxayla birləşdirib bərkidirik.

Daha sonra qazanı öncədən 180-200 dərəcədə qızdırılmış sobaya dəm almağa qoyuruq. Hər tərəfi qızardıqdan sonra qazanı sobadan çıxarırıq.

Servis etdiyiniz zaman plov üstdən kəsilir və içi qaşıqla boşqablara yerləşdirilir.

Nuş olsun